De quen vimos sendo?

Ítaca nace no 2017, pero moito antes xa tiñamos unha historia común.

Alá polo ano 2007, Ítaca Software Libre non era unha cooperativa, senón unha Sociedade Limitada formada por 5 persoas socias: Alfredo, Asier, Juan, Norma e Yolanda.
O certo é que decidiramos crear unha S.L. pola maior facilidade e rapidez na creación da sociedade.
Enseguida empezamos a traballar, aínda que dun xeito algo precario: non tiñamos oficina e apenas contabamos cunha inversión en equipos.
Os primeiros anos foron apaixonantes polo que significaron de enriquecemento profesional, de creación dun equipo que aínda perdura hoxe, de contacto cos primeiros clientes, dalgúns éxitos ­e tamén algúns fracasos­.
Durante estes anos traballamos en proxectos web e tamén no desenvolvemento de software que hoxe aínda funciona a pleno rendemento.
Sen embargo, algo nos faltaba.

Ítaca naceu dende un grupo de xente cun sólido compromiso social de difusión de valores de fraternidade, igualdade … ­en definitiva críamos, e seguimos crendo, que outra economía é posible­ e decatámonos de que cando a S.L. transcende, o noso entorno non acaba de percibir todos estes valores que serían máis fáciles de transmitir dende unha cooperativa.

Así que no 2012 comezamos a traballar a conversión en cooperativa, proceso que culmina en xaneiro do ano 2013, incorporando a Óscar como novo socio. Cinco anos despois do noso nacemento, volvíamos a renacer transformados, renovados e fortalecidos.
Este proceso de creación da cooperativa veu acompañado dun profundo proceso de maduración do proxecto que nos levou a investigar novas formas de traballo, que nos axudaría a mellorar como fornecedores de servizos informáticos.