Son de Escairón, un pobo ubicado na espectacular Ribeira Sacra, cando rematei no instituto víñenme para A Coruña a estudar a carreira e aquí me quedei. Casei con Juan, outro dos socios de Ítaca, e temos dúas fillas e un fillo.

Unha das funcións que desenvolvo en Ítaca, é a xestión e administración empresarial da cooperativa.

Ademais son responsable da consultoría e implementación de programas ERP (Enterprise Resource Planning – Planificación de Recursos Empresariales) en outras empresas, tendo unha ampla experiencia e un recorrido de máis de 12 anos, tratando con PEMES de diversos ámbitos. Neste proceso é tan importante a consultoría en sí como a implementación e posterior formación para o éxito dos proxectos.

Ademais da experiencia adquirida tamén teño que estar en formación continua, posto que o ámbito da administración e xestión empresarial está en continuo cambio.